«Երկրի առջև ծառացած լրջագույն խնդիրների լուծման, առաջընթացի ու զարգացման, երկրում ներքին թշնամանքի մթնոլորտի բացառման  համար անհրաժեշտ պայման է առաջիկա խորհրդարանական ընտրությունների արդյունքում քաղաքական մենաշնորհի վերացումը: Որևէ ուժ չպետք է ունենա քաղաքական մենաշնորհ: Սա բերում է լճացման և հասարակական ստագնացիայի:

Սա սկզբունքային խնդիր է: Այստեղ զիջումներ հնարավոր չեն: Սա պետք է դառնա քաղաքական սկզբունք և ոչ թե  խնդիրները անձնավորելու պատրվակ: Ես, լինելով  «Բարգավաճ Հայաստանի» քաղաքական թիմի ներկայացուցիչ, ինքս դեմ եմ, որ ԲՀԿ-ն ունենա քաղաքական  մենաշնորհ: Այո, ԲՀԿ-ն այսօր  ունի շատ բարձր վարկանիշ, և երկրում ստեղծված է բացառիկ հնարավորություն` քաղաքական լայն համախմբման  համար»,– «7 օրի» հետ զրույցում հայտարարել է ԲՀԿ համամասնական ցուցակի յոթերորդ հորիզոնականը զբաղեցնող Վահե Հովհաննիսյանը: