Թուրքական լրատվամիջոցները հայտնում են, որ այժմ Թուրքիայում աշխատանքներ են տարվում սփյուռքի հարցով ռազմավարական փաստաթղթի ընդունման համար։ Գործընթացի նպատակը, Թուրքիայի կառավարության ներկայացուցիչների խոսքերով, Հայոց ցեղասպանության միջազգային ճանաչումը խոչընդոտելն է և «Եվրոպայում աճող ռասիզմի դեմ պայքարը»։

Կառավարության նոր ռազմավարությունը մշակվում է 2010–ին ստեղծված «Overseas Turks Agency» պետական կառույցի միջոցով, որը ղեկավարում է Թուրքիայի փոխվարչապետ Բեքիր Բոզդաղը։ Գործակալությունը երկու խոշոր միջոցառում է նախատեսում հունիսին և սեպտեմբերին, որոնք հիմք կստեղծեն արտերկրում գործող թուրքական ոչ պետական կազմակերպությունների աշխատանքի արդյունավետության բարձրացման համար։

Հայտնի է նաև, որ Թուրքիան իր այս ծրագիրն իրականացնելու նպատակով գործընթաց է ներգրավելու նաև ադրբեջանական սփյուռքին։