Երեկ «Ժառանգության» ներկայացուցիչ Ստյոպա Սաֆարյանը հայտարարել էր, թե ընտրությունների վերահսկողության միասնական շտաբն ավելի շատ Ռոբերտ Քոչարյանի նախընտրական շտաբ է հիշեցնում։

Մեկնաբանելով Սաֆրայանի այս հայտարարությունը՝ միասնական շտաբի նախաձեռնող, քաղաքագետ Հմայակ Հովհաննիսյանը «Հայկական ժամանակ»–ին ասել է, թե նախ «Ժառանգությունը» խախտում է հեղինակային իրավունքը, երբ այդ հայտարարությունն անելուց առաջ չի ասում, որ այդ մտքերը պատկանում են ՀՀԿ համամասնական ցուցակում գտնվող Արտաշես Գեղամյանին, որին Սերժ Սարգսյանն անվանել էր «դհոլ», «քամի տատանող» և այլն։

«Երկորդ` որքան որևէ դատողություն անտրամաբանական է, այնքան «Ժառանգությունը» տրվում է դրան՝ մտածելով, որ դրա շուրջը կարող է աժիոտաժ առաջացնել։ Տեսնում ենք, որ իրենց նախընտրական հանդիպումներին հատուկենտ մարդիկ են գալիս, և իրենք հիմա փորձում են այդ կերպ մարդ հավաքել և փրկել իրենց ձախողված քարոզարշավը»,–ասել է Հ. Հովհաննիսյանը՝ հավելելով, թե ինքը մտավախություն ունի, որ «Ժառանգությունը» շուտով կզղջա, կթակի միասնական շտաբի դուռը, և ինքը, լինելով խղճով մարդ, շտաբի անդամներին կխնդրի հետ ընդունել նրանց։

7or.am