Հոլանդիայի վարչապետը հրաժարական է տվել

● Լրահոս

24.04.2012 ● 11:50

Հոլանդիայի վարչապետը հրաժարական է տվել

Հոլանդիայի վարչապետ Մարկ Ռուտտեն ապրիլի 23-ին Նիդեռլանդների թագուհի Բեաթրիքսին հրաժարականի դիմում է ներկայացրել:

Կառավարության հրաժարականի պատճառ է դարձել խորհրդարանական կոալիցիայի տապալումը: Կոալիցիոն կուսակցությունները չեն կարողացել համաձայնության գալ աջ ծայրահեղական «Ազատություն» կուսակցության ղեկավար Գեերտ Վիլդերսի հետ:

Ավելի վաղ Ռուտտեն արդեն հայտարարել էր, որ բանակցությունները ծայրահեղականների հետ փակուղի են մտել, և կառավարության հրաժարականը սպասելի էր:

Կողմերը չեն կարողացել համաձայնության գալ բյուջեի ծախսերի կրճատման ծրագրի շուրջ. Վիլդերսի կուսակցությունը հրաժարվել է ընդունել խնայողության միջոցները, որոնք ենթադրում էին ծախսերի կրճատում տարեկան 14-16 մլրդ եվրոյով:

Արտահերթ խորհրդարանական ընտրությունները Հոլանդիայում կանցկացվեն սեպտեմբեր-հոկտեմբերին: Մինչ նոր կառավարության ձևավորումը, թագուհին է Ռուտտեին և նախարարներին խնդրել շարունակել իրենց աշխատանքը:

● Այս խորագրի վերջին նյութերը

Տարեկան ավելի քան 25 մլն դոլար տակով են անում

02.11.2024 ● 20:38

Ստվերն ունի հովանավոր, և օրական ավելի քան 30 մլն դրամը, իսկ տարեկան կտրվածքով՝ 11 միլիարդ դրամը գնում է շատ կոնկրետ մարդկանց գրպանը, և դրանք վարորդները չեն։