Սիրիան չի կատարում «Անանի ծրագրի» դրույթները

● Լրահոս

25.04.2012 ● 10:25

Սիրիան չի կատարում «Անանի ծրագրի» դրույթները

Սիրիայի իշխանությունները զրահատեխնիկան դուրս չեն բերել բնակավայրերից, դրանով իսկ խախտելով ՄԱԿ–ի և ԱՊԼ–ի հատուկ ներկայացուցիչ Քոֆի Անանի առաջարկած խաղաղ կարգավորման ծրագրի դրույթները։ Այս մասին հայտնում է «Ռոյթերս» գործակալությունը՝ հղում անելով Անանի ներկայացուցչին։

Այն մասին, որ զրահատեխնիկան դուրս չի բերվել բնակավայրերից, վկայում են արբանյակներից արված լուսանկարները։ Անանի ներկայացուցիչը հայտնել է նաև, որ չնայած հրադադարի մասին հայտարարությանը՝ սիրիացի զինվորները կրակում են խաղաղ բնակիչների վրա։

Հայտնի է նաև, որ Քոֆի Անանը երեկ տեղի ունեցած ՄԱԿ–ի Անվտանգության խորհրդի նիստի ժամանակ մտահոգություն է հայտնել Սիրիայում տեղի ունեցող իրադարձությունների՝ շարունակվող բռնությունների առիթով։ Քոֆի Անանը հայտարարել է, որ իրավիճակը Սիրիայում «ամբողջովին հակասում է միջազգային հանրության կամքին»։

Սիրիայի ընդդիմության ակտիվիստների պնդմամբ՝ երկուշաբթի օրը Համա քաղաքում սպանվել է 70 մարդ։ Անանն ասել է, որ եթե այդ տեղեկությունները հաստատվեն, «դա անընդունելի է և պետք է արժանանա դատապարտման»։

Սիրիայի իշխանությունները նաև հայտարարել են, որ երկիր չեն թողնի «Դեմոկրատական Սիրիայի բարեկամներ» խմբի անդամ պետությունների քաղաքացիներին, որոնք գործուղվում են դիտորդական առաքելություն կատարելու համար։

● Այս խորագրի վերջին նյութերը

Տարեկան ավելի քան 25 մլն դոլար տակով են անում

02.11.2024 ● 20:38

Ստվերն ունի հովանավոր, և օրական ավելի քան 30 մլն դրամը, իսկ տարեկան կտրվածքով՝ 11 միլիարդ դրամը գնում է շատ կոնկրետ մարդկանց գրպանը, և դրանք վարորդները չեն։