Կենտրոնական ընտրական հանձնաժողովը հրավիրել էր արտահերթ նիստ, որի օրակարգում կար միայն մեկ հարց՝ Երևանի ավագանու ընտրությունների քվեաթերթիկի նմուշի հաստատումը։ ԿԸՀ  նախագահ Գարեգին Ազարյանը, ղեկավարվելով ՀՀ ընտրական օրենսգրքի 198.17-ի 2-րդ մասով քվեարկության է դրել Երևանի ավագանու ընտրությունների քվեաթերթիկի նմուշը։ Նմուշը հաստատվել է միաձայն՝ 8 կողմ. ձեռնպահ և դեմ քվեարկող չի եղել։ Գարեգին Ազարյանը տեղեկացրել է, որ այսօր երեկոյան քվեաթերթիկի նմուշը կուղարկվի «Տիգրան Մեծ» տպարան, որտեղ կպատրաստվեն քվեաթերթիկների տպագրությանը։

-Վաղը մինչև 10։00 առաջին օրինակը պատրաստ կլինի և ԿԸՀ-ն այն կհաստատի։ Մենք կստորագրենք ու կուղարկենք նորից տպարան։ Ժամը 11։00-ից սկսած՝ «Տիգրան Մեծ» հրատարակչատանը կսկսվի քվեաթերթիկների տպագրությունը։ Ընրողների թիվը 21.05.2009-ի դրությամբ 771522 է, իսկ տպագրվող քվեաթերթիկների քանակը լինելու է 790000։ Բոլորս արդեն գիտենք որտեղ և քանիսից է սկսվելու տպագրությունը, ուստի վստահված անձերը, դիտորդները, լրագրողները, հանձնաժողովի անդամները կարող են գնալ և հետևել տպագրության ընթացքին,-ասել է նա։