ԱԺ «Ժառանգություն» խմբակցության ղեկավար Ստյոպա Սաֆարյանն այսօրվա ասուլիսում հերթական անգամ պարզաբանել է, թե ինչպես եղավ, որ տեղամասային ընտրական հանձնաժողովներում «Ժառանգությանը» հատկացված տեղերում հանրապետականներ նշանակվեցին։

«Դա եղել է Կենտրոնական ընտրական հանձնաժողովի կողմից պատրաստված բարդ ֆայլի պատճառով: Երբ ԿԸՀ-ն խնդրեց ներկայացնել մեր հանձնաժողովի անդամների անունները, պարզվեց՝ այնտեղ, որտեղ պետք է ներկայացվեն անունները, սովորական Excel-ի և Word-ի ֆայլ չէր: Դա մի փոքր համակարգչային մասնագետի միջամտության ենթարկված ֆայլ էր, որտեղ ցուցակի բջիջները՝ տողերը, որոշակի միջամտության դեպքում կարող են պահել մուտքագրված տեղեկատվությունը: Այսինքն, դու պետք է բլոկից հանես այն ամբողջ տեղեկատվությունը, որպեսզի այդ մուտքագրված անունները պահպանվեն»,- ասել է Սաֆարյանը՝ նշելով, որ իրենց թվացել է, թե մուտքագրված տվյալներն արդեն պահպանվել են, սակայն հետագայում հասկացել են, որ եթե առանձին տողերի հետ համապատասխան աշխատանք չի տարվում, ապա մուտքագրված տեղեկությունը չի պահպանվում:

7or.am