Ոստիկանության պարզաբանումը

● Լրահոս

30.04.2012 ● 09:45

Ոստիկանության պարզաբանումը

2012թ. ապրիլի 28-ին www.hetq.am կայքում հրապարակվել են մարդու իրավունքների պաշտպան Կարեն Անդրեասյանի դատողությունները` ընտրացուցակներում մահացած անձանց տվյալների առկայության վերաբերյալ:

Մասնավորապես` մարդու իրավունքների պաշտպանը «վատ վարչարարության արդյունք է» որակել մաքուր ցուցակների բացակայությունը:

Գտնում ենք, որ նման եզրահանգումը չի բխում բնակչության պետական ռեգիստրի մասին ՀՀ օրենսդրությունից և համապատասխան իրավակիրառական պրակտիկայից:

Հայաստանի Հանրապետության կառավարության «Հայաստանի Հանրապետությունում բնակչության պետական ռեգիստրի համակարգ ներդնելու մասին» 14 հուլիսի 2005թ. 1231-Ն որոշմամբ հաստատված հավելված 1-ի 22-րդ կետի համաձայն, մասնավորապես, անձի անհատական հաշվառման տվյալներն արխիվացվում են անձի մահվան կամ դատարանի որոշմամբ մահացած ճանաչվելու դեպքում: Հիշյալ որոշման 2-րդ կետի «բ» ենթակետի համաձայն մահվան փաստը հավաստող փաստաթղթի տվյալները, քաղաքացու անունը, հայրանունը, ազգանունը, ծննդյան օրը, ամիսը, տարեթիվը, ծննդավայրը, սեռը, բնակության վայրի (կացարանի) հասցեն բնակչության պետական ռեգիստրը վարող լիազոր մարմնին է տրամադրում` Հայաստանի Հանրապետության արդարադատության նախարարությունը:

Անձնագրային և վիզաների վարչությունում չի գրանցվել որևէ դեպք, երբ սահմանված կարգով և ժամկետում գործակալությունից ստացվի մահացած անձի վերաբերյալ տվյալ և ռեգիստրում համապատասխան անձի անհատական տվյալները չարխիվացվեն: Մահացած անձանց տվյալները ընտրացուցակներում հայտնվում են միայն մահացածի ազգականի կամ շահագրգիռ անձի կողմից մահը չգրանցելու կամ օրենսդրությամբ սահմանված կարգով մահացած անձի անձնագիրը ՔԿԱԳ ստորաբաժանում չներկայացնելու դեպքերում:

ՀՀ ոստիկանություն

● Այս խորագրի վերջին նյութերը

Մարդկանց խաբում են` թանկացնում ու իրենց խոստացածը չեն իրականացնում (տեսանյութ)

02.11.2024 ● 23:09

Ինչքա՞ն կարելի է կեղեքել, թալանել ու խաբել, բա ո՞ւր է ձեր խոստացած բեռնաթափումը, ի՞նչ նպատակի ծառայեցրիք հավելյալ մեկ միլիարդ ու կեսը։

Տարեկան ավելի քան 25 մլն դոլար տակով են անում

02.11.2024 ● 20:38

Ստվերն ունի հովանավոր, և օրական ավելի քան 30 մլն դրամը, իսկ տարեկան կտրվածքով՝ 11 միլիարդ դրամը գնում է շատ կոնկրետ մարդկանց գրպանը, և դրանք վարորդները չեն։