Ինչպես հայտնի է, Ընտրությունների վերահսկման միասնական շտաբում ԲՀԿ ներկայացուցիչ Վարդան Օսկանյանն անդրադարձել էր ընտրողների ցուցակի խնդրին։ Նախկին արտգործնախարարը մտահոգություն էր հայտնել այն առումով, որ մեկ տառի կամ մեկ թվի փոփոխմամբ բազում «մարդիկ» կան ցուցակներում, ինչը հուշում է, որ ինչ որ մեկը հանձնարարական է ստացել նման բան անելու համար։

Ոստիկանությունից արձագանքնել են Օսկանյանի հայտարարությանը։ Վերջինս «Ֆեյսբուքի» իր էջում այս առումով գրել է. «Ոստիկանությունը արձագանքել է իմ` ընտրացուցակներում տեղ գտած անճշտություններում միտում տեսնելու մասին հայտարարությանը: Ոստիկանության տարածած հաղորդագրությունում բերված են այն երեք անունները, որոնք ես ի միջի այլոց նշել էի ասուլիսներից մեկի ժամանակ: Ոստիկանությունը, բնականաբար, դրա պատճառն է համարում ավտոմատացված համալիրի պահոցից ընտրողների ռեգիստրին փոխանցման ժամանակ թույլ տրված սխալը:
Ես շարունակում եմ միտում տեսնել այդ անճշտություններում։ Կից նկարը, թերևս, հաստատում է իմ կասկածը: Այն, ինչ կա նկարում, ընդամենը նմուշ է: Խախտումները շատ ավելի շատ են»: