Ազատության հրապարակում տեղի ունեցած ՀՅԴ ամփոփիչ հանրահավաքի ժամանակ ՀՅԴ Բյուրոյի անդամ Վահան Հովհաննիսյանը հայտարարել է, որ մարզեր կատարած նախընտրական հանդիպումներից համոզվել են՝ մեր ժողովուրդը դեռ կոտրված չէ, հիասթափված չէ, և հուսալքությունը հնարավոր է հաղթահարել։

Վահան Հովհաննիսյանը հավաքվածների ուշադրությունն է հրավիրել հանգամանքի վրա, որ, ըստ հասած տեղեկությունների, հատկապես մեծամասնական ընտրակարգով առաջադրված որոշ թեկնածուներ ընտրողներին փող են բաժանել և անվստահությունից ելնելով՝ պահանջելու են, որ նրանք մայիսի 6–ին բաց քվեարկեն։ Վահան Հովհաննիսյանն ընդգծել է, որ բաց քվեարկողն իրականում քրեական հանցագործություն է թույլ տալու և պատասխանատվություն կրելու օրենքի առաջ: Նրանից այդպիսի բան պահանջողն էլ է քրեական հանցագործություն թույլ տալիս։

–Մի՛ խաբվեք. ոչինչ անել նրանք չեն կարող: Քվեարկում եք Դաշնակցության օգտին և քվեարկում եք օրենքով՝ փակ ու գաղտնի քվեարկությամբ,-հայտարարել է նա՝ ավելացնելով, որ իրենց ստացած տեղեկություններով՝ օրինակ Մասիսում «Փարոսի»  աշխատողները վերադասի ճնշման ներքո նպաստառուներին սպառնում են՝ իշխանությանը ձայն չտաս՝ նպաստից կկտրենք:

–Նախ, սո՛ւտ է, չեն կարող կտրել. օրենքը դա թույլ չի տա: Երկրորդը, եթե նրանք փորձեն նման մի բան անել, մենք կկտրենք նրանց ականջները,- վստահեցրել է Վ. Հովհաննիսյանը:

7or.am