Սոցիոլոգ Ահարոն Ադիբեկյանը կարծում է, որ առավել հաջողված քարոզարշավը Սերժ Սարգսյանն ու Գագիկ Ծառուկյանն են անցկացրել.

–Ընդ որում, Սերժ Սարգսյանի պարագայում այն թույլ տվեց ՀՀԿ-ին պահպանել իր ընտրազանգվածը, իսկ ԲՀԿ-ին՝ կրկնապատկել այն,-լրագրողներին ասել է Ադիբեկյանը՝ ավելացնելով, որ ԲՀԿ–ն հզոր ուժ է, իսկ ԲՀԿ առաջնորդ Գագիկ Ծառուկյանի թիմը կարող է խորացնել Հայաստանի ժողովրդավարությունը։

Ըստ նրա՝ երբ երկրորդ ուժեղ մրցակից է լինում, այն առաջատար ուժին մրցակցային պայմաններում ստիպում է վերանայել իր քաղաքականությունը.

–Շուկան ձևավորում է երկրորդը, և այս առումով ԲՀԿ-ն մեծ գովեստի է արժանի, որովհետև նրա շնորհիվ ընտրատարածքներում կլինի մաքուր ու արդար աշխատանք, խախտումների և մեքենայությունների տոկոսը կտրուկ կիջնի։

Ադիբեկյանը նաև կարծում է, որ մայիսի 6–ի ընտրություններից հետո նոր գումարման խորհրդարանում հինգ կուսակցություն ներկայացված կլինի, բայց թե կոնկրետ որոնք, չի մանրամասնել։

7or.am