Կանանց ներկայությունը խորհրդարանում նպաստում է հարցերն ավելի արդյունավետ քննարկելուն

● Լրահոս

29.05.2009 ● 14:22

Կանանց ներկայությունը խորհրդարանում նպաստում է հարցերն ավելի արդյունավետ քննարկելուն

ՀՀ ԱԺ նախագահի տեղակալ Արևիկ Պետրոսյանը հանդիպել է ՀՀ-ում հավատարմագրված կին դիվանագետների և Դիվանագետների կանանց ասոցիացիայի անդամների հետ։

Ա. Պետրոսյանը հյուրերին փոխանցել է ԱԺ նախագահ Հովիկ Աբրահամյանի ողջույնները և ջերմ բարեմաղթանքները։ Ներկայացվել է նաև ԱԺ գործունեությունը, լիազորությունները, կառուցվածքը, հանրապետության կյանքում ունեցած ԱԺ դերակատարությունը, իշխանության տարբեր ճյուղերի փոխհարաբերությունները, զսպումների և հակակշիռների մեխանիզմները:

Անդրադառնալով օրենսդիր մարմնում կանանց ներկայացվածությանը՝ Ա. Պետրոսյանը նշել է, որ նրանց թիվը, նախորդ խորհրդարանների համեմատ, որոշակիորեն մեծացել է, իսկ տղամարդ պատգամավորների հետ հարաբերությունները հիմնված են փոխադարձ հարգանքի վրա: Նա համաձայնել է Դիվանագետների կանանց ասոցիացիայի նախագահ Նատալյա Նալբանդյանի դիտարկմանը, թե կանանց ներկայությունը խորհրդարանում նպաստում է առավել հանդուրժողական մթնոլորտի ձևավորմանը և հարցերն ավելի արդյունավետ քննարկելուն:

Ա. Պետրոսյանը, ԱԺ նախագահ Հովիկ Աբրահամյանի անունից, հյուրերին հրավիրել է ներկա գտնվել ԱԺ բակում հունիսի 1-ին անցկացվելիք՝ Երեխաների պաշտպանության օրվան նվիրված միջոցառմանը:

● Այս խորագրի վերջին նյութերը

Իրանում ավտոբուսի շրջվելու հետևանքով 10 մարդ է զոհվել

21.12.2024 ● 19:34

Որոնողափրկարարական աշխատանքները շարունակվում են:

«Ուղեղլվա․ մաս 8»․ Հույս ունեմ, որ որոշումների արդյունքում ծանր հետևանքներ չեն լինի․ Փաշինյանը՝ 2018-ին (տեսանյութ)

21.12.2024 ● 19:07

Իհարկե՝ հետո Փաշինյանը պետք է նույն տարում գերթանկարժեք չվերթ իրականացներ ԱՄՆ՝ ոչ հայկական չվերթսվ։ Հետո, արդեն, պետական ինքնաթիռը սկսեց ծառայել ընտանիքի անդաներին, ԱԺ նախագահին, ՀՀ նախագահին և ըստ էության, հարկատուների հաշվին պահվող օդանավը մշտապես օդում է։