Մայիսի 29-ին, ժամը 16.11-ին Փրկարար ծառայութունում ահա­զանգ է ստաց­վել, որ հրդեհ է բռնկվել Երևանի Արաբկիրի 37 փողոցի թիվ 10 տանը:

Դեպքի վայր է մեկնել երկու մարտական հաշվարկ, ինչպես նաև փրկարար ուժերի վարչության օպերատիվ խումբը: Հրդեհը մեկուսացվել է ժամը 16.27-ին, մարվել՝ 16.39-ին:

Այրվել է Ք. Գևորգյանին պատկանող տան տանիքը՝ 5 քմ մակերեսով:

Շիրակի մարզից էլ ստացված տեղեկության համաձայն՝ ժամը 12.00-ից մինչև 12.30-ը մոլեգնած ուժեղ քամին զգալի վնաս է պատճառել Բյուրակն համայնքի բնակելի տներին:

Ուժեղ քամու հետևանքով հիմնովին քանդվել են համայնքի բնակիչներ Վ. Համազարյանին և Գ. Մշեցյանին պատկանող տների տանիքները՝ համապատասխանաբար 140 քմ և 100 քմ մակերեսով, ինչպես նաև մասնակիորեն վնասվել են 5 տան տանիքներ, շրջվել 2 փայտե էլեկտրասյուն:

Դեպքի մասին տեղյակ է պահվել Շիրակի փոխմարզպետ Մ. Վարդանյանը: