Պետեկամուտների կոմիտեի պաշտոնական կայքում հրապարակվել է 2012 թվականի հունվար-հունիս ամիսների արդյունքներով առաջին 1000 խոշոր հարկ վճարողների եվ նրանց կողմից վճարված հարկերի եվ տուրքերի մեծությունները: Համաձայն սույն հրապարակման Գագիկ Ծառուկյանին պատկանող կազմակերպությունները կամ կազմակերպություններն, որտեղ նա ունի բաժնեմաս, ինչպես տարիներ շարհունակ, այնպես էլ սույն թվականի առաջին կիսամյակի արդյունքներով ցուցակում զբաղեցրել են բարձր դիրքեր:

Ինչպես երևում է աղյուսակում Գ. Ծառուկյանին պատկանող այն կազմակերպույթունները, որոնք տեղ են գտել 1000 խոշոր հարկատուների ցուցակում միասին վերված վեց ամսվա ընթացքում բյուջ են վճարել մոտավորապես 3,7 մլրդ. դրամ: Առաջին հայացքից այս ցուցանիշը որևէ զարմանք չի առաջացնում, քանի որ Գ. Ծառուկյանը, ունենալով բարձր տեսակարար կշիռ ՀՀ տնտեսությունում, տրամաբանորեն պիտի կրի հարկային բարձր բեռ` համահունչ իր բիզնեսին: Սակայն որոշ զանգվածային լրատվական միջոցներ այլ կերպ են ընկալել ՊԵԿ-ի հրապարակած ցանկը, կամ այլ կերպ են փորձել ներկայացնել:

Մասնավորապես hayeli.am կայքում տեղ գտած հոդվածում նշվում է, որ Ծառուկյանի ընկերություններից որևէ մեկը ներարված չեն խոշոր հարկ վճրողների հարյուրակում

Ծառուկյանին պատկանող ընկերությունները միասին առաջին կիսամյակում վճարել են 1,7 մլրդ. դրամ, ինչը Ծառուկյանին խոշոր հարկատուներ ցուցակում ապահովում է 20-րդ տեղը:

Նախ նշենք, որ տվյալ ընկերություններիւց ցուցակում նշված չեն Ծառուկյանին պատկանող և ամենխոշոր չափերով հարկ վճարած կազմակերպությունները, որոնցից երեքը (Կլեոպատրա, Մագաս ինվեստ, Զվարթնոց հենդլինգ) միասին վերցված առաջին կիսամյակում վճարել են ավելի քան 1,5 մլրդ. դրամի չափով հարկեր:

Հոդվածի հեղինակը, ըստ երևույթին, առաջնորդվելով «կարևորը մանրուքներն» են լոզունգով ուղղակի չի նկատել, որ Կլեոպատրա սպը-ն և Մագաս ինվեստ փբը-ն խոշոր հարկատուների ցուցակում զբաղեցրել են 72-րդ և 100-րդ հորիզանականները: Փաստորեն Ծառուկյանին պատկանող ընկերություններից երկուսը տեղ են զբաղեցրել հարյուր խոշոր հարկ վճարողների ցանկում, իսկ Զվարթնոց Հենդլինգը նշված ցանկում 102-րդ է:

Լինելով տնտեսական վերլուծաբան պետք է կարողանալ կիրառել տարրական մաթեմատիկական հաշվարկներ, համաձայն որոնց Գագիկ Ծառուկյանին պատկանող ընկերությունները 2012 թվականի առաջին կիսամյակում վճարել են ոչ թե 1,7 մլրդ. դրամ, ինչպես ցույց են տալիս տարրական թվաբանությանը չտիրապետողների հաշվարկները, այլ 3,7 մլրդ. դրամ: Այպիսով Ծառուկյանին պատկանող ընկերությունները միասին վերցված վճարված հարկերով զբաղեցնում են ոչ թե խոշոր հարկատուների ցուցակի 20-րդ հորիզոնականը, այլ պատվավոր 10-րդ հորիզոնականը:

Հարկ է նշել, որ բացի 1000 խոշոր հարկատուների ցանկում տեղ գտած կազմակերպություններից կան նաև այլ կազմակերպություններում, որոնցում Գագիկ Ծառուկյանը ունի բաժնեմաս: Մասնավորապես` Երեվանի քիմիա-դեղագործական ֆիրմա, «Շուստով» առևտրի տուն, Աբովյան Արայ, Մուլտի գրուպ սթոուն, Տեխնալյումին, Ֆիրմա Նյու, Մուլռի ռեստ հաուս, Մուլտի ագրո, Բելլեզզա, Մուլտի գրուպ ջոսոնս, Օնիրա քլաբ, Ինտերսերվիս 1, Մուլտի սիս և Ակվամարին: Ունեցած հավաստի տեղեկությունների համաձայն վերոնշված ընկերությունները 2012 թվականի առաջին կիսամյակի արդյունքներով բյուջե են վճարել 177,1 մլն. դրամ չափով հարկ:

Այպիսով հանրագումարային հարկային վճարները գերազանցում են 3,8 մլրդ. դրամը:

Կարեն Հարությունյան 

zham.am