Սիրիայի վարչապետ Ռիադ Ֆարիդ Հիջաբն ազատվել է զբաղեցրած պաշտոնից: Այս մասին տեղեկացնում է Սիրիայի պետական հեռուստաընկերությունը:

«Russia Today»-ի հաղորդմամբ՝ լուրեր կան այն մասին, թե Հիջաբը միացել է ըննդիմությանը և այժմ գտնվում է Հորդանանում:

Հիշեցնենք, որ Հիջաբը Սիրիայի վարչապետի պաշտոնում նշանակվել էր հունիսի 6-ին: Մինչ այդ նա զբաղեցնում էր երկրի գյուղատնտեսության նախարարի պաշտոնը:

Պաշտոնական Դամասկոսը վարչապետի  ժամանակավոր պաշտոնակատար է  նշանակել  Օմար Գալավանջիին: