«Նովոստի» միջազգային մամուլի կենտրոնում ներկայացնելով «Հարավկովկասյան երկաթուղիներ» ՓԲԸ մեկ տարվա աշխատնքը, ընկերության գլխավոր տնօրեն Շևքեթ Շայդուլինն ասել է, որ այս տարին հեշտ չի եղել, խոստանալով կատարել իր վրա վերցված բոլոր պարտավորությունները:
Նա նշել է, որ ընկերության կառավարման կոնցեսիոն պայմանագրում տեղի կունենան փոփոխությոններ, որոնք ուղղված կլինեն «Հարավկովկասյան երկաթուղիներ» ՓԲԸ-ի արդյունավետության և սպասարկման ոլորտի բարձրացմանը:
Անդրադառնալով ընկերության կողմից սակագների բարձրացման հարցին՝ Շևքեթ Շայդուլինն ասել է, որ այս տարի ընկերությունը սակագները չի բարձրացնի: Նա նաև տեղեկացրել է, որ ընկերությունը նոր կառավարման քաղաքականության շնորհիվ հնարավորություն է ունեցել բարձրացնել աշխատավաձերը, դրանք հասցնելով 115 հազ. դրամի:
Նա նաև նշել է, որ ըներությունը ստացել է ֆինանսավորումը և նախատեսում է մի քանի կարևոր ծրագրերի իրականացում: Մասնավորապես նախատեսվում է շահագործել Արմավիր-Երևան և Արմավիր-Երևան-Սևան-Շորժա գիծը, վերանորոգել Գյումրիի և Մասիսի կայարանները և այլն: