Հունիսի 6-ին, ժամը 21.59-ին ՀՀ արտակարգ իրավիճակների նախարարության Հայաստանի փրկարար ծառայություն ահա­զանգ է ստացվել, որ Երևանի Աթենքի փողոցի սկզբնամասում տեղի է ունեցել ավտոպատահար, ինչի հետևանքով ավտոմեքենաներից մեկի բենզաբաքից առկա է վառելիքի արտահոսք:

Դեպքի վայր  է մեկնել մեկ մարտական հաշվարկ: Հրշեջ-փրկարարների կողմից կատարվել է արտահոսած վառելիքի հեռացում: Դեռևս չպարզված հանգամանքներում՝ «ԿԻԱ» մակնիշի 15 ՍԼ 939 պետհամարանիշի  ավտոմեքենան հարվածել է կայանած «ՎԱԶ-2107» մակնիշի 08 ՕՍ 828 և «ՎԱԶ-2107» մակնիշի 15 ՕՕ 298 պետհամարանիշների ավտոմեքենաներին: Պատահարի հետևանքով զոհեր և տուժածներ չկան:

Հունիսի 7-ին, ժամը 12.41-ին ՀՀ ոստիկանության Կոտայքի մարզային վարչությունից տեղեկություն է ստացվել, որ Երևան-Սևան ավտոճանապարհի 13-րդ կմ-ում տեղի է ունեցել ավտոպատահար, և անհրաժեշտ է փրկարարների օգնությունը:

Դեպքի վայր է մեկնել մարզային փրկարար վարչության փրկարարական ջոկատը, որը, անհրաժեշտությունը վերանալու պատճառով, հետ է վերա­դարձ­ել: Դեռևս չպարզված հանգամանքներում՝ «ՎԱԶ-2102» մակնիշի 17 ՏԼ 018 պետհամարանիշի ավտոմեքենան բախվել է գովազդային վահանակի սյանը, ինչի հետևանքով վարորդը՝ Նոր Հաճնի Թումանյան փողոցի թիվ 3 շենքի 62 բնակարանի բնակիչ, 1963թ. ծնված Արմեն Մելքոնյանը, տարբեր աստիճանի մարմնական վնասվածքներով տեղափոխվել է Աբովյանի հիվանդանոց:

Հիվանդանոցում Ա. Մելքոնյանը մահացել է: