Հունիսի 9-ին ԱԳ նախարար Էդվարդ Նալբանդյանն ընդունեց աշխատանքային այցով Երևանում գնտվող ԱՄՆ պետքարտուղարի տեղակալ Ֆիլիպ Գորդոնին:
Ողջունելով հյուրին՝ Հայաստանի արտգործնախարարն ասաց, որ Հայաստանը, կարևորելով Միացյալ Նահանգների հետ հարաբերությունների առավել ամրապնդումը, հետամուտ է լինելու ԱՄՆ հետ բարեկամական գործընկերության զարգացմանն ու խորացմանը:
Պետքարտուղարի տեղակալ Գորդոնը նշեց, որ ամերիկյան կողմը կարևորում է Հայաստանի հետ բազմաբովադնակ համագործակցության ընդլայնումը, և դրա վկայությունն է այն փաստը, որ պետքարտուղարի տեղակալի պաշտոնում նշանակվելուց հետո իր առաջին արտասահմանյան ուղևորությունը սկսվում է Հայաստանից:
Նախարար Նալբանդյանը և պետքարտուղարի տեղակալ Գորդոնը հանգամանալից զրույց ունեցան հայ-ամերիկյան հարաբերությունների հետագա զարգացման շուրջ, կարևորվեցին Տնտեսական հարցերով հայ-ամերիկյան միջկառավարական հանձնաժողովի շրջանակներում իրականացվող աշխատանքները: Անդրադարձ կատարվեց Հազարամյակի մարտահրավեր ծրագրի հետ կապված հարցերին:
Անդրադարձ կատարվեց Հայաստանում իրականացվող բարեփոխումների ընթացքին: Նախարար Նալբանդյանը ներկայացրեց Հայաստանի իշխանությունների ձեռնարկած քայլերը' ժողովրդավարական բարեփոխումների իրագործման ուղղությամբ:
ԱՄՆ պետքարտուղարի տեղակալը վերահասատեց հայ-թուրքական հարաբերությունների կարգավորման ուղղությամբ ձեռնարկվող քայլերին ԱՄՆ վարչակազմի ամբողջական աջակցությունը:
Զրուցակիցները մտքեր փոխանակեցին արցախյան հիմնախնդրի կարգավորման վերաբերյալ: Այս ենթատեքստում Ֆիլիպ Գորդոնը ընդգծեց, որ ԱՄՆ՝ որպես ԵԱՀԿ Մինսկի խմբի համանախագահ շարունակելու է ակտիվորեն նպաստել հիմնախնդրի հանգուցալուծման ջանքերին:
Էդվարդ Նալբանդյանն ընդունեց Ֆիլիպ Գորդոնին
Հունիսի 9-ին ԱԳ նախարար Էդվարդ Նալբանդյանն ընդունեց աշխատանքային այցով Երևանում գնտվող ԱՄՆ պետքարտուղարի տեղակալ Ֆիլիպ Գորդոնին:
Ողջունելով հյուրին՝ Հայաստանի արտգործնախարարն ասաց, որ Հայաստանը, կարևորելով Միացյալ Նահանգների հետ հարաբերությունների առավել ամրապնդումը, հետամուտ է լինելու ԱՄՆ հետ բարեկամական գործընկերության զարգացմանն ու խորացմանը:
Պետքարտուղարի տեղակալ Գորդոնը նշեց, որ ամերիկյան կողմը կարևորում է Հայաստանի հետ բազմաբովադնակ համագործակցության ընդլայնումը, և դրա վկայությունն է այն փաստը, որ պետքարտուղարի տեղակալի պաշտոնում նշանակվելուց հետո իր առաջին արտասահմանյան ուղևորությունը սկսվում է Հայաստանից:
Նախարար Նալբանդյանը և պետքարտուղարի տեղակալ Գորդոնը հանգամանալից զրույց ունեցան հայ-ամերիկյան հարաբերությունների հետագա զարգացման շուրջ, կարևորվեցին Տնտեսական հարցերով հայ-ամերիկյան միջկառավարական հանձնաժողովի շրջանակներում իրականացվող աշխատանքները: Անդրադարձ կատարվեց Հազարամյակի մարտահրավեր ծրագրի հետ կապված հարցերին:
Անդրադարձ կատարվեց Հայաստանում իրականացվող բարեփոխումների ընթացքին: Նախարար Նալբանդյանը ներկայացրեց Հայաստանի իշխանությունների ձեռնարկած քայլերը' ժողովրդավարական բարեփոխումների իրագործման ուղղությամբ:
ԱՄՆ պետքարտուղարի տեղակալը վերահասատեց հայ-թուրքական հարաբերությունների կարգավորման ուղղությամբ ձեռնարկվող քայլերին ԱՄՆ վարչակազմի ամբողջական աջակցությունը:
Զրուցակիցները մտքեր փոխանակեցին արցախյան հիմնախնդրի կարգավորման վերաբերյալ: Այս ենթատեքստում Ֆիլիպ Գորդոնը ընդգծեց, որ ԱՄՆ՝ որպես ԵԱՀԿ Մինսկի խմբի համանախագահ շարունակելու է ակտիվորեն նպաստել հիմնախնդրի հանգուցալուծման ջանքերին: