Հայաստանի արտգործնախարար Էդվարդ Նալբանդյանը հանդիպեց Էստոնիայի ԱԳ նախարար Ուրմաս Պաետին

● Լրահոս

11.06.2009 ● 13:04

Հայաստանի արտգործնախարար Էդվարդ Նալբանդյանը հանդիպեց Էստոնիայի ԱԳ նախարար Ուրմաս Պաետին

Ս.թ. հունիսի 11-ին Հայաստանի Հանրապետության ԱԳ նախարար Էդվարդ Նալբանդյանը հանդիպեց պաշտոնական այցով Երևանում գտնվող Էստոնիայի ԱԳ նախարար Ուրմաս Պաետին:

Ողջունելով Էստոնիայի արտգործնախարարին և նրան ուղեկցող պատվիրակությանը' նախարար Նալբանդյանը գոհունակություն հայտնեց երկկողմ հարաբերությունների դինամիկ զարգացման կապակցությամբ և ընդգծեց, որ Հայաստանը շահագրգիռ է Էստոնիայի հետ փոխշահավետ հարաբերությունների խորացման և ամրապնդման գործում:

Ուրմաս Պաետը ևս բարձր գնահատեց երկու երկրների միջև ձեւավորված բարեկամական հարաբերությունները և նշեց, որ Էստոնիան մտադիր է գործուն քայլեր ձեռնարկել տարբեր բնագավառներում Հայաստանի հետ համակողմանի փոխգործակցության զարգացման ուղղությամբ:

Բանակցությունների ընթացքում երկուստեք կարևորվեց երկու երկրների արտաքին քաղաքական գերատեսչությունների միջև արդյունավետ համագործակցությունը, ինչպես նաև պայմանավորվածություն ձեռք բերվեց հաջորդ քաղաքական խորհրդատվություններն անցկացնել այս տարվա աշնանը Երևանում: Նախարար Նալբանդյանը շնորհակալություն հայտնեց Հայաստանում դիվանագիտական դպրոցի հիմնադրման աշխատանքներին Էստոնիայից ցուցաբերվող աջակցության համար:

Անդրադառնալով տնտեսական հարաբերությունների խթանման նպատակով ձեռնարկվելիք քայլերին' նախարարներ Նալբանդյանն ու Պաետը գոհունակությամբ նշեցին, որ այսօր Երևանում բացվելիք հայ-էստոնական տնտեսական համաժողովը նոր հնարավորություններ կստեղծի հայ և էստոնացի գործարարների համագործակցության համար:

Հայաստանի և Էստոնիայի արտաքին քաղաքական գերատեսչությունների ղակավարները քննարկեցին մուտքի արտոնագրերի ստացման գործընթացի փոխադարձ դյուրացման հնարավորությունը, իրավա-պայմանագրային դաշտի կատարելագործման հետ կապված հարցեր:

Հայաստանի և Էստոնիայի արտգործնախարարները բովանդակալից զրույց ունեցան Հայաստանի և Եվրոպական միության միջև համագործակցության ընթացքի և այդ ոլորտում կատարվելիք քայլերի վերաբերյալ, ինչպես նաև քննարկեցին ԵՄ Արևելյան գործընկերություն ծրագրին առնչվող հարցեր:

Էստոնիայի ԱԳ նախարարի խնդրանքով Էդվարդ Նալբանդյանը ներկայացրեց արցախյան հիմնախնդրի հանգուցալուծման բանակցությունների վերջին զարգացումները և հայ-թուրքական հարաբերությունների կարգավորման գործընթացը:

Հանդիպմանը անդրադարձ կատարվեց մի շարք տարածաշրջանային և միջազգային խնդիրների:

Հանդիպումից հետո տեղի ունեցավ նախարար Էդվարդ Նալբանդյանի և Էստոնիայի ԱԳ նախարար Ուրմաս Պաետի համատեղ մամուլի ասուլիսը:

● Այս խորագրի վերջին նյութերը

Իրանում ավտոբուսի շրջվելու հետևանքով 10 մարդ է զոհվել

21.12.2024 ● 19:34

Որոնողափրկարարական աշխատանքները շարունակվում են:

«Ուղեղլվա․ մաս 8»․ Հույս ունեմ, որ որոշումների արդյունքում ծանր հետևանքներ չեն լինի․ Փաշինյանը՝ 2018-ին (տեսանյութ)

21.12.2024 ● 19:07

Իհարկե՝ հետո Փաշինյանը պետք է նույն տարում գերթանկարժեք չվերթ իրականացներ ԱՄՆ՝ ոչ հայկական չվերթսվ։ Հետո, արդեն, պետական ինքնաթիռը սկսեց ծառայել ընտանիքի անդաներին, ԱԺ նախագահին, ՀՀ նախագահին և ըստ էության, հարկատուների հաշվին պահվող օդանավը մշտապես օդում է։