«Համերաշխություն» կուսակցության նախագահ Սարգիս Ավետիսյանը «1lur.am»-ի հետ զրույցում անդրադառնալով ՀՀԿ խմբակցության պատգամավոր Խոսրով Հարությունյանի՝ ԲՀԿ-ի մասին արտահայտած մտքերին՝ ասել է.

«Ինչ վերաբերում է Խոսրով Հարությունյանին, որպես քաղաքական և պետական գործիչ՝ պետք է ասեմ, որ նա այն եզակի գործիչներից է, որը իր քաղաքական կարիերայի ընթացքում հասցրել է մի քանի անգամ գաղափարական փոփոխության ենթարկվել: Պարզապես դա ես անընդունելի եմ համարում և ինչու չէ՝ նաև անհասկանալի երևույթ քաղաքականության մեջ: Ինձ համար նաև շատ զարմանալի է, որ նման անցյալ ունեցող մարդը ինչպես է իրեն թույլ տալիս արտահայտվել մի կուսակցության մասին, որը կարճ ժամանակահատվածում հասցրել է վայելել իր ընտրողի վստահությունը: ԲՀԿ–ն ՀՀ-ում այն ուժն է, որն իր առաջ հարցեր է դնում և պատվով լուծում այն: Այս դեպքում, կրկնում եմ, նման անցյալ ունեցող մարդու արած արտահայտությունները պարզապես անընդունելի են և անհասկանալի»: