Ոստիկանության՝ Լոռու մարզի քննչական բաժնի կողմից  հարուցվել է քրեական գործ՝ զինակոչիկի վերաբերյալ  կեղծ էպիկրիզ տալու դեպքի առթիվ:

Մասնավորապես  պարզվել է, որ զինակոչիկ Ն. Սարգսյանը 2009թ.  մարտ ամսին  Լոռու մարզի «Վանաձորի թիվ 2-րդ հիվանդանոց» ՊՓԲԸ-ում բժշկական հետազոտում է անցել: Հիշյալ հիվանդանոցի  ավագ նյարդաբան  Գ. Գասպարյանը, անձնական այլ դրդումներից ելնելով, 2009թ. մարտի 6-ին  զինակոչիկ Ն. Սարգսյանի վերաբերյալ կազմել է թիվ 600-168 կեղծ էպիկրիզը՝ ըստ որի զինակոչիկի մոտ  հայտնաբերվել է «Մնացորդային երևույթներ կրած գանգուղեղի ծանր վնասվածքից հետո  հետվնասվածքային  էնցեֆալեպաթիա չափավոր  դիսկոորդինատոր և ասթենո-նևրոտիկ  սինդրոմներով  կայուն արտահայտված  վազոմոտոր ցեֆալգիններով»  հիվանդությունը: 

Սակայն դատաբժշկական փորձաքննության՝ 2009թ.  հունիսի 8-ի թիվ 216  եզրակացությամբ զինակոչիկ Ն. Սարգսյանին 2009թ. մարտի 6-ին տրված էպիկրիզում նշված հիվանդությունը չի հաստատվել:

Փաստի առթիվ  ոստիկանության՝ Լոռու մարզի  քննչական բաժնում  հարուցվել է քրեական գործ՝ ՀՀ քրեական օրենսգրքի 314-րդ հոդվածի 1-ին մասի հատկանիշներով: