Անդրադառնալով փաստահավաք խմբի գործունեության դադարեցմանը՝ ՆԺԿ նախագահ Արամ Կարապետյանը նշել է, որ մարտի 1-ի դեպքերն ուսումնասիրող հանձնաժողովում էլ ամեն ինչ այնպես չէ, ինչպես թվում է: Ուղղակի, փաստահավաք խմբում այդ ամենն ավելի ցայտուն էր.

-Մարտի 1-ի հանձնաժողովում էլ միշտ փորձում են դոզավորել ինֆորմացիան, փորձում են այնպես ներկայացնել, ինչպես իրենց պետք է։ Իշխանությունը փորձում է մարտի 1-ի հանձնաժողովով նույնպես մի քիչ «սվաղել» իրավիճակը։

Անդրադառնալով համաներմանը՝ նա ասել է.

-Համաներումը, որպես իրավաբանական կատեգորիա, ճիշտ է և դրական, բայց դա քաղաքականացնել, իբր՝  մենք չենք ուզում անել, հասարակությունն է մեզ դիմում, որ դա անենք, շատ վատ է։ Նախագահը հենց նրա համար է, որ օգտվի իր իրավունքներից։

Փաստահավաք խումբը փակելով և համաներումով, Արամ Կարապետյանի կարծիքով, փորձ է արվում փակել մարտի 1-ի էջը։