Գագիկ Ծառուկյանի որոշումից հետո նախագահի փեսա Միքայել Մինասյանի տակ աշխատող «անկախ» լրատվամիջոցներն ու նրանց տերերը խրախճանքի մեջ հայտնվեցին։ Նրանք այնքան են ոգևորվել սեփական հաղթանակով, որ խախտելով մարդկային պարկեշտության բոլոր սահմանները և գերազանցելով ագահության բոլոր ռեկորդները՝ արդեն բացահայտորեն խոսում են Ծառուկյանի ունեցվածքը մեջ–մեջ անելու մասին։ Սա, անշու՛շտ, սպասվում էր, քանզի տվյալ մարդկանց տեսակն է այդպիսին։

Չէին հասցրել, սակայն, միշիկականները մի լավ տժժալ ու կանխավայելել սեփականության վերաբաշխման հաճույքը, երբ պարզ դարձավ, որ ամեն ինչ այդքան էլ միանշանակ չէ։

Բանն այն է, որ Սերժ Սարգսյանը կարող է «բարի քննիչ» Ծառուկյանի փոխարեն մրցամարտի դուրս գալ «ջղային քննիչ» Լևոն Տեր–Պետրոսյանի դեմ։ Ահա այդ ամենի գիտակցումն է, որ «անկախ» մամուլին դարձրել է ավելի հիստերիկ, իսկ Մինասյանի հոգեվիճակը՝ հակասական։

Կարեն Հակոբջանյան