ՀՀ գլխավոր դատախազությունից տեղեկացնում են, որ Շիրակի մարզի Տուֆաշեն համայնքի  ղեկավար Հ. Մխիթարյանը, անձնական այլ դրդումներից ելնելով, Երևան քաղաքի բնակիչ Գ. Լաբրաջյանին  համայնքի տարածքում վարձակալական հիմունքներով 4 հա հողատարածք է  տրամադրել՝ խախտելով սահմանված կարգը: Ըստ կարգի՝ համայնքի ղեկավարը պետք է վարձակալության համար մրցույթ հայտարարեր, ինչը չի արել: Փոխարենը' 2008թ. դեկտեմբերի 22-ին կազմել է կեղծ   փաստաթուղթ՝ հողատարածքի վարձակալման  մրցույթի անցկացման վերաբերյալ և այն 2008թ. դեկտեմբերի 24-ին ներկայացնելով Արթիկի նոտարական գրասենյակ՝ Ս. Լաբրաջյանի հետ   կնքել  վարձակալության պայմանագիր: Նույն օրը   վարձակալության իրավունքը գրանցվել է  ՀՀ կառավարությանն առընթեր անշարժ գույքի կադաստրի՝ Արթիկի տարածքային ստորաբաժանմունքում:

Փաստի առթիվ  ոստիկանության՝ Շիրակի մարզի   քննչական բաժնի Արթիկի քննչական բաժանմունքում հարուցվել է քրեական գործ՝ ՀՀ քրեական օրենսգրքի  314-րդ հոդվածի 1-ին մասի հատկանիշներով:
Կատարվում է նախաքննություն: