Գինեգործների միության նախագահ Արտակ Հարությունյանը լրագրողների հետ խոսելով տնտեսկան իրավիճակի մասին՝ ասել է, որ Հայաստանում արտադրողների գործունեությունը կարելի է բաժանել 3 փուլի։

- Մենք սկսեցինք քանդվել այն ժամանակ, երբ վարչապետ Վազգեն Սարգսյանի կառավարությունը սկսեց գերավճարներ պահանջել. և՛ փոքր, և՛ միջին բիզնեսն սկսեց փլուզվել։ Հետո եկավ պարոն Ռոբերտ Քոչարյանի ժամանակաշրջանը,  և ամեն ինչ կարգավորվեց. ոչ ոք գերավճար չէր ուզում։ Խոստացան, որ  խաղի այդ կանոնները պահպանվելու են, և օբյեկտիվ զարգացում եղավ։ Երրորդ փուլում եկավ ճգնաժամը, և ամեն ինչ վերանայվեց,-ասել նա։

Արտակ Հարությունյանի խոսքերով՝ ՀՀ կառավարությունն ամեն ինչ պետք է անի, որ հարկային բեռը թեթևացնի մոտ 15-20%-ով։

-Ճիշտ է, կառավարությունը ցանկանում է բյուջեն համալրել, սակայն անհրաժեշտ է, որ արտադրողն իմանա՝ խաղի կանոնները չեն փոխվի։ Ոչ ոք ապահովված չէ նրանից, որ վաղը, հնարավոր է, ուրիշ կանոներ լինեն։ Իսկ արտադրողին հստակ կանոններ են պետք,-ասել է նա։