Հունիսի 23-ին ՀՅԴ Բյուրոյի «Քրիստափոր Միքայելյան» մասնաճյուղում ՀՅ Դաշնակցության նախաձեռնությամբ տեղի է ունեցել քննարկում՝ «Հայաստանի և Թուրքիայի միջև ճանապարհների վերաբացման առևտրատնտեսական հիմնախնդիրները» թեմայով։

-Փաստաթղթի ամբողջական փաթեթը, հավանաբար, հենց այսօր մենք ներկայացնելու ենք կառավարություն՝ ՀՀ վարչապետին։ Փաստաթուղթն ուսումնասիրելուց հետո, հավանաբար, հետագա քննարկումների անհրաժեշտություն կտեսնի, ինչի մասին արդեն պայմանավորվածություն կա,- ասել է ԱԺ ՀՅԴ խմբակցության ղեկավար Վահան Հովհաննիսյանը։

Նա նաև նշել է, որ այդ փաստաթուղթն իրենց՝ կուսակցության և ԱԺ խմբակցության համար  լինելու է այն հումքը, որից բխող անհրաժեշտ օրենքների ընդունման համար, սեպտեմբերից սկսած, աշխատանք են ծավալելու.

-Կտեսնեք, որ որոշ օրենսդրական բարեփոխումների և նոր օրենքների ընդունման անհրաժեշտություն կառաջանա, որպեսզի Հայաստանն ամբողջությամբ պատրաստ լինի։

7or.am