«Ժառանգություն» խմբակցության ղեկավար Արմեն Մարտիրոսյանը ցավում է, որ համաներումը քրիստոնեական արժեքներին համահունչ չեղավ, քանի որ դա նոր էջից սկսելու հնարավորություն կընձեռեր։ Իսկ այսպիսի համաներումը չի կարող լուծել քաղաքական ճգնաժամը.

-Մենք տեսանք քաղաքական սառը հաշվարկի վրա իրականացված համաներում, որը հիմնականում պարտադրված է ոչ թե ՀՀ քաղքացիների, քաղաքական դաշտի ներկայացուցիչների ցանկությամբ, այլ միջազգային գործընկերների, հատկապես` Եվրախորհրդի կողմից։

Ա. Մարտիրոսյանը «Ժամանակ» թերթի գլխավոր խմբագիր Արման Բաբաջանյանին էլ է քաղբանտարկյալ անվանում և սխալ է համարում, որ նրա նկատմամբ նույնպես համաներումը չի կիրառվել։

«Ժառանգություն» խմբակցության ղեկավարը նաև համոզված է, որ այս համաներմամբ չի կարելի մարտի 1-ի էջը փակված համարել.

-Մարտի 1-ի, ինչպես և հոկտեմբերի 27-ի էջերը հնարավոր է փակված համարել միայն դրանց լիակատար բացահայտման արդյունքում։

Այս ուղղությամբ լավագույն քայլերից մեկն էլ նա Փաստահավաք խմբի վերակազմավորումն ու աշխատանքների շարունակումն է համարում։

7or.am