Եթե մի քանի ամիս առաջ անվարորդ ավտոմեքենաներ ստեղծելու վերաբերյալ «Google»-ի հետազոտությունները դեռևս գաղտնի էին պահվում, ապա այսօր այդ մասին բացահայտ է խոսվում, իսկ հանրային ճանապարհների վրա արդեն նմանատիպ ավտոմեքենաների փորձարկում է անցկացվում: Ըստ «Google»-ի տնօրենի` կազմակերպությունը նախատեսում է ինքնակառավարման համակարգով մեքենաների արտադրությունը սկսել  արդեն մոտակա 5 տարիների ընթացքում:

Ինքնակառավարվող մեքենաների կողմնակիցները պնդում են, որ դրանք հնարավորություն կտան նվազեցնել տարբեր տիպի ավտոպատահարների  քանակը, ինչպես նաև ապահովագրման սակագները: Սակայն այդ մեքենաների համար որոշակի սահմանափակումներ են լինելու. մեքենայով պետք է 2 հոգուց ոչ պակաս մարդ տեղափոխվի, և նրանցից գոնե մեկը պարտավոր է վարորդական իրավունք ունենալ։ Ինքնակառավարվող մեքենաների համար նաև հատուկ համարանիշներ և տեսաձայնագրիչներ են նախատեսվում: