«Հայաստանում ժողովրդավարական հաստատությունների գործունեության մասին» զեկույցի մեջ  13 փոփոխության առաջարկ է արվել։ Դրանցից 12-ը հայկական պատվիրակության ներկայցուցիչների, մեկը՝ համազեկուցողներ Ժորժ Կոլումբիեի և Ջոն Պրեսկոտի կողմից է արվել։  «Ժառանգության» խմբակցության ներկայացուցիչ Զարուհի Փոստանջյանը երեք առաջարկ է ներկայացրել, որոնց տակ ի դեպ ստորագրել են ադրբեջանական, թուրքական, շվեդիական ու շվեյցարշական պատվիրակության ներկայացուցիչները։ Ժորժ Կոլումբիեն և Ջոն Պրեսկոտը առաջարկել են, որ վեհաժողովը հետևի մարտի մեկի հետ կապված մնացած գործերի զարգացումներին։ ԵԽԽՎ հայկական պատվիրակության ղեկավար Դավիթ Հարությունյանը և Նաիրա Զոհրաբյանը առաջարկել են, 5.3 և 5.4 դրույթներում փոփոխություն կատարել։ Այդ դրույթներում ասվում է, որ համաներումը տարածվելու է միայն այն անձանց վրա, ում գործով արդեն վճիռ է կայացվել, համաներման կիրառումը նաև այն անձանց վրա, ովքեր թաքնվում են դատական գործընթացից՝  եթե նրանք ներկայանան իշխանություններին մինչև հուլիսի 1-ը։ Առաջարկվել է փոփոխություն անել նաև բանաձևի 11 կետում, ինչը վերաբերում է հեռարձակումն արտոնագրերի բաց, արդար և թափանցիկ մրցույթի անցկացմանը։  Վեհաժողովը հիշատակել է ՀՀ իշխանությունների և Եվրախորհրդի միջև ընթացող քննարկումը, որը հիմնված է անկախ փորձագետի պատրաստած զեկույցի վրա։ Այն վերահաստատում է այն դիրքորոշումը, որ Հայաստանում թվային հեռարձակման հետ կապված տեխնիկական խնդիրները չպետք է օգտագործել նման մրցույթի անցկացումն հետաձգելու և «Ա1+» հեռուստաընկերությանը  արտոնագիր շնորհելու առնչությմբ Մարդու Իրավունքների Եվրոպական դատարանի վճռի չիրականացման համար։ Դատարանի վճռին վերաբերվող հատվածն առաջարկվու է հանել։ ԵԽԽՎ հայաստանյան ներկայացուցիչ Արմեն Ռուստամյանն էլ առաջարկել է փոփոխություն մցնել բանաձևի 12-րդ կետում, որը Երևանի քաղաքապետի ընտրություններում արձանագրված խախտումների մասին է։ Նա առաջարկել է ավելացնել հետևյալ նախադասությունը, որ բնակչության մոտ կա ըտրական գործընթացի վերաբերյալ վստահության պակաս, ուստի անհրաժեշտ են հետագա բարեփոխումներ հատկապես հետընտրական վերահսկողական մեխանիզմը հզորացնելու ուղղությամբ՝ հյատնաբերելու համար ընտրախատումները։

7or.am