Ազատության հրապարակում այսօր հացադուլը դադարեցնելուց առաջ «Ժառանգություն» կուսակցության առաջնորդ Րաֆֆի Հովհաննիսյանը լրագրողներին հայտնել է, որ ավարտվում է ինքնամաքրման պայքարի փուլը` նշելով, թե ինքը պատրաստվում է նոր Հայաստանի երդմնակալությանը։

«Սա ապրեցի որպես քաղաքացի և հուսով եմ, որ իմ համաքաղաքացիները բոլորը նույնպես կզգան այդ հրամայականը և շատ եմ ուզում, որ այսօրվա պատգամով ու օրհնանքով ապրիլի 9-ին ունենաք ազգային միասնությունը, որը մի հոգուց կախված չէ: Ժողովուրդը փետրվարի 18-ին պահանջեց: Մենք մտնում ենք այն շրջան , որ ամեն մեկս ապագայի զարկերակով մտածի յուրաքանչյուր քայլը, դուրս գա ռեպլիկներից, չար որակումներից»,- ասել է Հովհաննսիսյանը:
«Ժառանգություն» ղեկավարը հայտնել է, որ հաջորդ հավաքը ապրիլի 5-ին է, որի ժամանակ պետք է նախապատրաստվեն «նոր Հայաստանի երդմնակալությունը»։