-20 տարի ի վեր բոլոր քաղաքական ուժերը, իշխանության տարբեր թևերը ղարաբաղյան խնդիրը դարձրել են իրենց օրակարգի առաջնահերթ հարցը։ Կարծում եմ, յուրաքանչյուր հայ տեսնում է, որ և՛ հասարակությունը, և՛ իշխանությունը շարունակաբար որևէ բանաձև չեն փոխում Ղարաբաղի հարցով,-«7օր»-ի՝ «Ղարաբաղյան կարգավորման հարցում խորհրդարանն ի՞նչ  ակտիվության վրա է գտնվում, և պետք չէ՞, արդյոք, որ հայոց խորհրդարանը հայեցակարգ ունենա ղարաբաղյան խնդրի վերաբերյալ» հարցին պատասխանել է Գալուստ Սահակյանը։

-Մեր բոլոր պետական հայեցակարգերը կազմված են հենց ղարաբաղյան խնդրի լուծման հիմքում։ Լրացուցիչ հայեցակարգերի կարիք չկա։ Դա արդեն արյան կանչ է։ Մեր արյունը ներարկված է այդ խնդիրները լուծելու համար։ Թուղթը չի կարող որոշել, դա  մեր ազգային կարևորագույն խնդիրներից է։ Մենք դա համարում ենք մեր պետության ամրացման հետագա գործոն։

Հիշեցնենք, որ Ադրբեջանի խորհրդարանն ընդգրկել է ղարաբաղյան հակամարտության խնդիրը հատուկ ծրագրով լուծելուն նախապատրաստվելու մասին առաջարկությունը։

7or.am