Գնահատելով երկրի քաղաքական և տնտեսական իրավիճակը՝ Դավիթ Հակոբյանն ասել է, որ 2008թ. նախագահական ընտրություններից մեկ տարի անց երկրի դրությունը տնտեսական և քաղաքական տեսանկյունից մնում է անմխիթար.

-Հարկային փաթեթի կրկնակի «բլոկիրովկայից» հետո պարզ դարձավ, որ 2009թ. հատկապես 2-րդ կիսամյակը կլինի արտահերթ պառլամենտական ընտրությունների տարի։ Եթե նախագահը չլուծարի պառլամենտը, որի վրա այլևս հենվել չի կարող, որի արդյունավետությունը հասել է մինիմումի, ուրեմն ականատես կլինենք արտահերթ նախագահական ընտրություններին։ Այս երկրի օրհասական վիճակից ելնելով՝ կարծում եմ, որ или нового государя, или новый парламент: Իրադրությունը շատ լուրջ է, և  կարծում եմ՝ տարվա երկրորդ կեսին ականատես կլինենք այդ քաղաքական իրադարձություններին։

Մյուս  հանգամանքը, որ պարտադրում է նոր ընտրություններ հատկապես պառլամենտական թևում, ըստ Դավիթ Հակոբյանի, այն է, որ իշխանափոխությունը Հայաստանում կատարվում է ոչ թե ընտրական իրավունքի միջոցով, այլ «պալատական հեղաշրջումների, բլանկիզմի, տեռորիզմի, խունտիզմի և բոնապարտիզմի» ճանապարհով։

Արտահերթ ընտրություններին այլ քաղաքական ուժերի հետ իր հնարավոր համագործակցությունը բացառելով՝ Դավիթ Հակոբյանն ասել է, թե հերիք է՝ իրե՛նք սատարեն ուրիշներին, թող մի քիչ էլ ուրիշնե՛րը սատարեն իրենց։

-Արտահերթ պառլամենտական ընտրությունների դեպքում, ամենայն հավանականությամբ, ես կգնամ իմ կուսակցությամբ, արտահերթ նախագահականի ժամանակ չեմ զիջի ոչ մեկին, կգնամ միայնակ։ Առաջնեկությունը քաղաքական դաշտում ոչ մեկին չեմ հանձնի։

7or.am