-Տարակարծություններ եղել են, կան և լինելու են Կոնգրեսում, բայց տարաձայնություններ չկան,- մամուլի ասուլիսի ժամանակ ասել է Արման Մուսինյանը՝ անդրադառնալով հուլիսի 2-ի հանարահավաքի ժամանակ Լևոն Տեր-Պետրոսյանի  հնչեցրած մտքին։ Նա հայտարարել էր, որ ամենավտանգավորը ոչ թե բացահայտ հակառակորդները կամ սադրիչներն են, այլ համակիր ձևացող այն տեսակի մարդիկ, ովքեր փորձել են ՀԱԿ-ը շեղել պայ­քարի սահմանադրական ուղուց, մեղադրել են անվճռականության մեջ, և այլն։

Ա. Մուսինյանը նշել է, որ այդ հայտարարությամբ Լևոն Տեր-Պետրոսյանը ցանկացել է, որ «մենք էլի նորից հետ գնանք գլխավոր հուն և հունավորված ճանապարհով գնանք», քանի որ հատկապես ընտրություններից հետո հասարակության մեջ հուսահատության և տրամադրությունների վճռականացման «պահ է եղել»։

Ա. Մուսինյանը հավելել է, որ ՀԱԿ-ն այսօր շատ ավելի կուռ է դարձել՝  շնորհիվ ազատ արձակված քաղբանտարկյալների։

Նրա խոսքերով՝ տարաձայնության պատճառ չի կարող դառնալ նաև պատգամավորական մանդատից  չհրաժարվելու՝ Հակոբ Հակոբյանի որոշումը։ Հուլիսի 2-ի հանրահավաքին էլ  նա բացակայել է, քանի որ առողջության հետ կապված խնդիրներ ունի և Հայաստանում չէ։

7or.am

Տես նաև...