Լևոն Տեր-Պետրոսյանի մամուլի խոսնակ Արման Մուսինյանը լրագրողներին ասել է, որ 2 օր առաջ Աբովյան փողոցում ՀԱԿ հանրահավաքի մասին իրազեկող երիտասարդներին ոստիկանությունը փորձում է ներկայացնել որպես մեղադրյալ, իսկ նրանց վրա հարձակվածներին՝ որպես տուժած։ Եվ սա այն դեպքում, երբ, Ա. Մուսինյանի խոսքերով, բոլոր լուսանկարներն ու տեսաձայնագրություններն իրենք ունեն։

-Որևէ մեկը չի ներկայացել որպես ոստիկան։ Եղել է անակնկալ հարձակում։ Փորձել են խլել բարձրախոսները և սկսել են հարվածներ տեղալ, ընդ որում՝ հարվածներ են տեղացել նաև երիտասարդ աղջիկների վրա։

Ա. Մուսինյանն ասել է նաև, որ ՀԱԿ համակիր 3 երիտասարդներից 2-ը հրավիրվել են ոստիկանություն, և ասվել է, որ նրանք կասկածվում են իշխանության ներկայացուցչի նկատմամաբ կյանքի համար վտանգավոր բռնություն գործադրելու մեջ։

Այս միջադեպի կապակցությամբ տարարածած ոստիկանության հաղորդագրությունն էլ Ա. Մուսինյանն անվանել է «ծայրից ծայր սուտ»։

7or.am

Տես նաև...