Միջոցառումը տեղի կունենա «Դիլիջան Ռեսորտ» հյուրանոցային համալիրում: 

«ՏՀՏ լիդերների առանց փողկապի հանդիպում» հերթական ֆորումի հյուրերը կլինեն վարչապետ Տիգրան Սարգսյանը, Էկոնոմիկայի նախարար Ներսես Երիցյանը, Տրանսպորտի և կապի նախարար Գուրգեն Սարգսյանը:

Ֆորումը նվիրված է Հայաստանում հեռահաղորդակցության հիմնախնդիրների քննարկմանը, առանցքային թեմաներն են՝

• Միջազգային ելքի խնդիրներ: Գնագոյացում և գնային քաղաքականություն
• Ներքին ցանցային բովանդակություն և էլեկտրոնային ծառայություններ
• Ազգային ցանցի ստեղծում. պետական աջակցության խնդիրներ:

Ֆորումին կմասնակցեն ՀՀ Էկոնոմիկայի նախարարության, Տրանսպորտի և կապի նախարարության, Հանրային ծառայությունները կարգավորող հանձնաժողովի, Տնտեսական մրցակցության պաշտպանության պետական հանձնաժողովի, ՏՀՏ ոլորտի տեղական և միջազգային կազմակերպությունների շուրջ 70 ներկայացուցիչներ:

ՀՀ Էկոնոմիկայի նախարարություն