Աշտարակից 3,5 կմ արևմուտք գտնվող դամբարանադշտում հայտնաբերվել են այնպիսի գտածոներ, որոնք հիմք են տալիս ապացուցելու, որ Հայաստանը եղել է արիացիների հնագույն հայրենիքը։ 6 հա տարածության վրա տեղակայված դամբարանաբլուրներում, նոր հնագիտական հայտնագործություններ են արվել։ Մշակույթի նախարարության Պատմամշակութային ժառանգության գիտահետազոտական կենտրոնի տնօրեն Հակոբ Սիմոնյանն ասել է, որ դամբարանադաշտի 8-րդ դամբարանը պեղելիս պարզվել է, որ այնտեղ կառուցված է բավական մեծ կոթողային կառույց։

-Պատերի հաստությունը 1,5 մետր է, երկարությունը՝ 25 մետր և 12 մետր՝ լայնությունը։ Այսինքն, 300 քմ տարածքով մի շինություն է, որից  կարող ենք նախնական եզրակացություն անել, որ սա տաճարական շինություն է և կապվում է  նախնիների պաշտամունքի հետ,- ասել է Հակոբ Սիմոնյանը։

- Դամբարանաբլուրները հեղաշրջում են առաջացրել հնագույն պատմությա ն  և մշակույթ մասին մեր պատկերացումներում։ Այստեղից հայտբնաբերված ձիու ոսկորները հնագույնն են Առաջավոր Ասիայում՝ որպես  ընտելացված և ռազմի նպատակով օգտագործված ձի,- ասել է Հակոբ Սիմոնյանը։

Նա նշել է, որ հայտնաբերված ամբողջ նյութը տրամադրվելու է  Հայաստանի պատմության թանգարանին։

-Այնտեղ կան շատ թանկարժեք ոսկյա իրեր, որոնց անվտանգությունն ապահովելու հնարավորություն միայն այս թանգարանն ունի,- հավելել է նա։

 Հակոբ Սիմոնյանի խոսքերով՝ սեպտեմբերին թանգարանի երկու մեծ սրահներում կկազմակերպվի հայտնաբերված նյութերի ցուցադրությունը։

7or.am

Տես նաև.

Մշակույթի նախարարությունից Վրաստանում հայկական հուշարձանների հարցով զբաղվել դեռևս չեն հանձնարարել