Հուլիսի 6-ին ՀՀ մարդու իրավունքների պաշտպան  Արմեն Հարությունյանը հանդիպել  է Ֆրանսիայի հանրապետության մարդու իրավունքների պաշտպանի պատվիրակությանը՝ Ժան-Պոլ Դելեվուայի գլխավորությամբ:

Հանդիպման ընթացքում քննարկվել են Հայաստանի Հանրապետության և Ֆրանսիայի մարդու իրավունքների պաշտպանության ոլորտում արդիական խնդիրները, մարդու իրավունքների ներկա վիճակը Հայաստանում, համագործակցության հեռանկարները Թվինինգի՝ Եվրոպական հարևանության և գործընկերության գործիքի ներքո  իրականացվելիք ծրագրի շրջանակներում:

ՀՀ մարդու իրավունքների պաշտպանի հաստատությունը անդամակցում է Ֆրանկոֆոն  օմբուդսմանների և հաշտարարների ընկերակցությանը: Վերոնշյալ ընկերակցության գործունեությունը ուղղված է Օմբուդսմենների հաստատությունների հզորացմանը, վերջիններիս ստեղծմանը այն երկրներում, որտեղ նման հաստատությունները դեռ բացակայում են, ինչպես նաև փորձի փոխանակման աջակցությանը:

Ըստ ՄԻՊ գրասենյակի