ՃՏՊ Կապան քաղաքում

Հունիսի 9-ին, ժամը 23.26-ին տեղեկություն է ստացվել, որ Սյունիքի մարզի Կապան քաղաքի Հ. Ավետիսյան փողոցում՝ թիվ 9 ավագ դպրոցի մոտակայքում, տեղի է ունեցել ՃՏՊ. անհրաժեշտ է օգնություն:

Դեպքի վայր է մեկնել մեկ մարտական հաշվարկ:

Պարզվել է, որ դեռևս չբացահայտված հանգամանքներում «ՎԱԶ 2121» մակնիշի 51 ՏՍ 534 պետհամարանիշով ավտոմեքենան (վարորդ՝ 1963 թ. ծնված Վ. Բեգլարյան) դուրս է եկել ճանապարհի երթևեկելի հատվածից և բախվելով ծառին՝ կողաշրջվել: Վարորդը, ստանալով առաջին բուժօգնություն, հրաժարվել է հոսպիտալացումից:

Հրշեջ–փրկարարները ավտոմեքենան դուրս են բերել երթևեկելի հատված, հոսանքազրկել և փակել գազի փականը:

ՃՏՊ Արարատի մարզում

Հունիսի 9-ին, ժամը 22.33-ին տեղեկություն է ստացվել, որ Երևան-Երասխ ավտոճանապարհին տեղի է ունեցել ՃՏՊ. առկա է գազի արտահոսք. անհրաժեշտ է օգնություն:

Դեպքի վայր է մեկնել մեկ մարտական հաշվարկ:

Պարզվել է,որ Երևան-Երասխ ավտոճանապարհի 16-րդ կմ-ում «ՎԱԶ-2103» մակնիշի 68 SO 354 պետհամարանիշի ավտոմեքենան (վարորդ՝ 1989 թ. ծնված Գ. Մանվելյան) դուրս է եկել ճանապարհի երթևեկելի մասից և բախվելով բետոնե արգելապատնեշին` կողաշրջվել, ինչից տեղի է ունեցել գազի արտահոսք:

Հրշեջ-փրկարարները դադարեցրել են ավտոմեքենայի գազի արտահոսքը և դուրս բերել ճանապարհի երթևեկելի հատված: Զոհեր և տուժածներ չկան:

ՃՏՊ Գ. Հովսեփյան և Դավիթ Բեկի փողոցների խաչմերուկում

Հունիսի 9-ին, ժամը 21.40-ին տեղեկություն է ստացվել, որ Երևանի Գ. Հովսեփյան և Դավիթ Բեկի փողոցների խաչմերուկում՝ բենզալցակայանի մոտակայքում, տեղի է ունեցել ՃՏՊ:

Դեպքի վայրում է գտնվել հատուկ նշանակության փրկարարական աշխատանքների իրականացման կենտրոնի հերթապահ խումբը:

Պարզվել է, որ դեռևս չբացահայտված հանգամանքներում «ԲՄՎ» մակնիշի 35 UV 416 պետհամարանիշով ավտոմեքենան (վարորդ՝ 1997 թ. ծնված Խ. Խաչատրյան) դուրս է եկել ճանապարհի երթևեկելի մասից և կախվել մոտակա ձորակը:

Փրկարարները ավտոմեքենան դուրս են բերել ճանապարհի երթևեկելի հատված և վարորդին ցուցաբերել համապատասխան օգնություն: Վերջինս հրաժարվել է հոսպիտալացումից: