«Որևէ երկրի հզորության չափանիշը իր ֆինանսներն են, որոնք սերտ կապված են ժողովուրդի հաջող կերպով տուրքադրելու հետ: Ինչպես կովին չի կարելի մեկ պտուկեն կթել, մնացյալը թողնել, այնպես ալ չի կարելի տուրքադրման որևէ օբյեկտ անտեսել՝ այդ այտուցներ ու խանգարումներ առաջ կբերե ժողովրդական ստինքին մեջ:

Քաշել, ծծել ժողովրդական բոլոր ռեսուրսները. ահա այս է եղած մեզ ղեկավարող սկզբունքը, որն անհողդողդ կիրառել է մեր կառավարությունը»:

Ավելի լավ հնարավոր չէ բնութագրել գործող կառավարությանը եւ նրա ղեկավարին, ինչպես դա արել է մեծ երգիծաբանը դեռեւս տասնամյակներ առաջ:

Ավաղ, Լեռ Կամսարը հանգամանքների բերումով չէր կարող կանխատեսել այն, ինչը բացահայտվեց վերջերս: Խոսքը Տիգրան Սարգսյանի՝ օֆշորային «ոլոլոլորտներում» ներգրավվածության եւ փողերի լվացման մասին է:

Դե, ինչ արած՝ խեղճ երգիծաբանը, հավանաբար, չի պատկերացրել, որ «բարեշրջիչ» Տ. Սարգսյանը նաեւ կարող է քաշել ու ծծել օֆշորի պտուկներից…

ԿԻՄԱ ԵՂԻԱԶԱՐՅԱՆ