Ֆրանսիայի իշխանությունները հերքում են մեղադրանքներն այն մասին, որ երկրի հատուկ ծառայությունները ակտիվորեն լրտեսում են երկրի քաղաքացիներին` գաղտնալսելով նրանց հեռախոսազանգերը և գաղնտնադիտարկելով էլեկտրոնային նամակները:

Ֆրանսիայի վարչապետ Ժան Մարկի մամուլի քարտուղարը այս առնչությամբ հայտարարել է. «Մի շարք հատուկ ծառայություններ դիտարկումներ են կատարում անվտանգության նկատառումներով»: Նա նաև նշել էր, որ այդ տեղեկատվությանը կարելի է ծանոթանալ միայն այն դեպքում, երբ նման որոշում ընդունում է վարչապետը` նախապես քննարկելով դա հատուկ կոմիտեի հետ:

Ֆրանսիայի վարչապետի մամուլի քարտուղարը այս կապակցությամբ հայտարարել է, թե «Լը Մոնդի» տեղեկությունները «ճշգրիտ չեն»:

Նշենք, որ թերթը գրել էր, թե Ֆրանսիայի ներսում շրջանառվող և Ֆրանսիայից արտասահման ուղարկվող բոոլոր էլեկտորնային նամակները գաղտնադիրտարկվում են, ինչը կատարվում է օրենքից դուրս և չի վերահսկվում: Այդ տեղեկատվությունը օգտագործում են Ֆրանսիայի մի շարք հատուկ ծառայություններ:

«Լը Մոնդը» դեռ չի շտապում հերքել իր հրապարակած տեղեկատվությունը և պնդում է դրա հավաստիությունը: Պարբերականում հրապարակված նոր հոդվածում նշվում է, որ անհրաժեշտ է մտցնել դատական և խորհրդարանական վերահսկողություն այս հարցում, որպեսզի հնարավոր լինի սահմանափակել այն հսկայական իշխանությունը, որը կառավարությունը ստացել է սեփական քաղաքացիների անձնական կյանքի նկատմամբ:

Թերթը թեև նշում է, որ տեղեկությունները հավաքվում են ահաբեկչական կազմակերպություններին բացահայտելու նպատակով, այնուհանդերձ, հավաքագրվող տեղեկատվությունը այնքան հսկայածավալ է, որ կարող է ազդել Ֆրանսիայի ցանկացած քաղաքացու վրա:

Հիշեցնենք, որ ընդամենը մի քանի օր առաջ Ֆրանսիան սուր քննադատության ենթարկեց ԱՄՆ-ի հետախուզական ծառայություններին, որոնք համաձայն գաղտնի փաստաթղթերի արտահսոսքի` լրտեսել էին սեփական քաղաքացիներին, մի շարք կազմակերպություններին ու ԵՄ մի շարք կառույցներին: