Անդրադառնալով ՀՀ ԱԳ նախարար Էդվարդ Նալբանդյանի հրաժարականի մասին վերջին օրերին հնչած պահանջներին՝ քաղաքագետ Սուրեն Զոլյանը լրագրողներին ասել է.

-Եկեք ելնենք Հայաստանի քաղաքական համակարգից և ասեք՝ այդ ո՞ր գործողությունն է, որ ինքնուրույն կատարել է արտաքին գործոց նախարարը, որ պահանջում ենք իր հրաժարականը։ Նա բավական գրագետ կատարում է հնաձնարարականները։ Նաև Սահմանադրությամբ ամրագրված է, որ արտաքին գործերի նախարարը կատարող է։

Է. Նալբանդյանի հրաժարականի պահանջը բարձրացնելուց առաջ Ս. Զոլյանը խորհուրդ է տվել նախ հասկանալ, թե ի՞նչ հանձարարականներ պիտի կատարեր նա և ի՞նչ չափով է կատարել կամ ոչ, հետո նոր գնահատականներ տալ։

«Այսինքն, պետք է Սերժ Սարգսյանի՞ հրաժարականը պահանջել»,- հարցրել են լրագրողները։

-Ես չէի ուզենա կոնկրետանալ ո՛չ նախագահի, ո՛չ էլ ԱԳ նախարարի վրա։ Այդ ամեն ինչը պարզ կլինի, եթե մենք ի վիճակի լինենք համակարգային ձևով վերլուծել քաղաքականությունը։ Բնական է՝ այդտեղից էլ կարող է լինել այն, ինչը որ դուք եք առաջարկում։ Տվյալ դեպքում, ուղղակի, այսպիսի ձևակերպված պահանջ ես չեմ տեսնում,- ասել է Ս. Զոլյանը։

7or.am