Ադրբեջանի նախագահի պաշտոնական կայքը հայտնում է, որ այսօր Իլհամ Ալիևը հանդիպել է Թուրքիայի արտգործնախարար Ահմեդ Դավութօղլուի հետ: Դավութօղլուն Ալիևին է փոխանցել Թուրքիայի նախագահ Աբդուլահ Գյուլի և վարչապետ Թայիփ Էրդողանի շնորհավորանքները Ռամազան ամսվա մեկնարկի կապակցությամբ:

Հանդիպմանը քննարկվել են Ադրբեջանի և Թուրքիայի միջև բոլոր բնագավառներում բարեկամական և եղբայրական հարաբերությունների զարգացման հարցերը, և համոզմունք է հայտնվել, որ դրանք հետագայում ավելի կամրապնդվեն:

Զրույցի ընթացքում Ալիևն ու Դավութօղլուն խոսել են երկու երկրների միջև քաղաքական, տնտեսական, էներգետիկ և այլ բնագավառներում կապերի ընդլայնման հեռանկարների մասին:

Հանդիպման ավարտին Ալիևը շնորհակալություն է հայտնել Ռամազան ամսվա շնորհավորանքների կապակությամբ և խնդրել իր շնորհավորանքներն ու բարեմաղթանքները փոխանցել Թուրքիայի նախագահին ու վարչապետին: