Մասնավորապես պարզվել է, որ Լոռու մարզի Գյուլագարակ համայնքի ղեկավար Ա. Գրիգորյանն  իր պաշտոնեական դիրքը  ծառայության շահերին հակառակ օգտագործելով, պետական ու համայնքնային միջոցները  համայնքի սոցիալ-տնտեսական  և այլ նպատակների համար օգտագործելու փոխարեն, անձնական այլ շահագրգռվածությունից ելնելով,  2007թ.  շուկայականից զգալի բարձր գնով ՝ 4 400 000 դրամով, ձեռք է բերել   2004թ. արտադրության «Վազ 21120-110» մակնիշի  ավտոմեքենա:  Շուրջ մեկ տարի անց՝  2008թ. հուլիսին, հիշյալ ավտոմեքենան  օտարել է ընդամենը 1 230 000 դրամով, ապա նույն թվականի  նոյեմբերին  դարձյալ շուկայականից  զգալի բարձր արժեքով ՝ 5 000 000 դրամով, ձեռք է բերել 2001թ. արտադրության «Մազդա» մակնիշի ավտոմեքենա: Այդպիսով,   պետությանը  և համայնքին շահերին պատճառվել է  էական վնաս:

Փաստի առթիվ հարուցվել է քրեական գործ՝ ՀՀ քրեական օրենսգրքի 308-րդ հոդվածի 1-ին մասով:  Քրեական գործն ուղարկվել է  Լոռու մարզի քննչական բաժին՝  նախաքննություն կատարելու համար:

Ըստ ՀՀ գլխավոր դատախազության