Սեպտեմբերի 3-ին ՀՀ ԱԻՆ Ճգնաժամային կենտրոնում ահազանգեր են ստացվել հանրապետության տարբեր խոտածածկ տարածքներում բռնկված հրդեհների վերաբերյալ:
Մասնավորապես` Գեղարքունքի մարզի Ծափաթաղ գյուղում այրվել է 4 հա խոտածածակ տարածք, Լուսակունք գյուղի 9-րդ փողոցի մոտ` 350 հակ պահեստավորված անասնակեր,Արագածոտնի մարզի Մաստարա գյուղում` 2 հա խոտածածկ տարածք, Ջամշլու գյուղում` 3.5 հա, Վայոց ձորի մարզի Վայք քաղաքի «Արփա» ռեստորանային համալաիրի մոտ` 1000 քմ, Սյունիքի մարզի Հացավան գյուղում `4 հա, Կաթնառատ գյուղում ` 1200 քմ, Սիսիան քաղաքի գերեզմանատան մոտ` 400քմ, Կոտայքի մարզի Արա լեռան ստորոտում` 4 հա, Քանաքեռավան գյուղի 24-րդ փողոց` 3000 քմ, Արամուս գյուղի սկզբնամասում `1 հա խոտածածկ տարածք, ջերմահարվել են 30 բերքատու ծառ և մոշի թփեր, Շիրակի մարզի Մարմարաշենի խճուղում `5000 քմ անասնակեր, «Գարուն» ռեստորանային համալիրի մոտակայքում` 1,5 հա խոտածածկ տարածք, Լեռնակերտ գյուղի 9-րդ փողոցում` 70 հակ պահեստավորված անասնակեր, Հոռոմ գյուղի գոմերում` 60 հակ, Արթիկ քաղաքի Տուֆագործների փողոցում` 2,5 հա խոզան, Արարատի մարզի Մասիս քաղաքի Երևանյան փողոցում` 200 քմ խոտածածկ տարածք, Արտաշատ քաղաքի Բակունցի փողոցում` 400-450 քմ խոտածածկ տարածք և ջերմահրավել են ծառեր, Երևանի Սուրենյան փողոցի թիվ 2 շենքի մոտակայքում` 500 քմ, Արտաշիսյան փողոցի թիվ 46ա հասցում` 150 քմ խոտածածկ տարածք:
Բոլոր հրդեհները հրշեջ-փրկարարները մեկուսացրել են և մարել: