Այսօրվա ասուլիսին անդրադառնալով միջազգային այս կամ այն կառույցին Հայաստանի անդամակցության հարցին՝ «Հայազն» կուսակցության վարչության անդամ Արմեն Աղայանն ասել է, որ իրենք դեմ են որևէ դաշինքի, որը մեկ այլ դաշինքի դեմ է կամ մրցակից։ «Դեմ ենք նաև անդամակցությանը։ Ինտեգրացիան այս կամ այն ոլորտում համագործակցությունը չէ։ Մենք այսօր հանդես ենք գալիս եվրոպական և եվրասիական ինտեգրացիաների զույգ վեկտորներին դեմ»,–ասել է Աղայանը՝ շեշտելով, որ ինտեգրացիան սահմանափակում է Հայաստանի ինքնիշխանությունը: Կուսակցության մամուլի խոսնակ Արմեն Հովհաննիսյանն էլ նշել է, որ իրենց նպատակը ինքնիշխան Հայաստանն է։ «Այդ նպատակին հասնելու միջոցը ազգային հեղափոխությամբ կտրուկ փոփոխություններ անելն է, ինչը հնարավորություն կտա ներքին ախտերից ազատվել և արտաքին ճակատներում դիմադրել»,–նշել է Ա. Հովհաննիսյանը։

7or.am