Արկանզաս նահանգի 13 դպրոցների ուսուցիչներ, անվտանգության նկատառումներով, այսուհետև աշխատանքի վայրում զենք կկրեն։ Ինչպես տեղեկացնում է «ԻՏԱՌ-ՏԱՍՍ»–ը, որոշումը կայացվել է նախօրեին և ուժի մեջ կլինի երկու տարի։

Այս մասին նահանգի ղեկավարությունը հայտնել էր դեռևս օգոստոսին 2012-ին Նյու թաուն քաղաքի Սենդի հուկ դպրոցի դեպքերի կրկնությունից խուսափելու համար։

Հիշեցնենք, որ 2012թ. դեկտեմբերի 15-ին Նյու թաունում 20-ամյա Ադամ Լանզան, սպանելով սեփական մորը, ներխուժել էր դպրոց, ուր աշխատում էր ուսուցչուհի մայրը, և ինքնաձիգից կրակ բացել, որի հետևանքով զոհվել էր 20 երեխա։ Ավելի ուշ նշվում էր, որ Լանզան զոհերի թվով ցանկացել է գերազանցել նորվեգացի ահաբեկիչ Բրեյվիկին, ինչի համար էլ թիրախ է ընտրել դպրոցը։

Ամերիկյան դպրոցներում սպանությունները կանխարգելելու նպատակով տարվել են նաև այլ աշխատանքներ. մասնավորապես Օհայո, Տեխաս և Յուտա նահանգներում ուսուցիչների համար անց են կացվել հրաձգության անվճար դասընթացներ, բացի այդ, բազմաթիվ ուսումնական հաստատություններում ստեղծվել է զինված պահակակետ։