«Ռուսաստանի, Ադրբեջանի և Հայաստանի նախագահներ Դմիտրի Մեդվեդևի, Իլհամ Ալիևի և Սերժ Սարգսյանի՝ Մոսկվայում կայացած հանդիպումն անցել է կառուցողական մթնոլորտում»,- հայտարարել է Ռուսաստանի նախագահի օգնական Սերգեյ Պրիխոդկոն՝ հավելելով.

«Ռուսաստանի, Ադրբեջանի և Հայաստանի նախագահիների արդեն թվով 4-րդ այս հանդիպման ժամանակ Դմիտրի Մեդվեդևը հաստատել է, որպես ԵԱՀԿ ՄԽ-ի համանախագահ երկիր Ռուսաստանի պատրաստակամությունը՝ այսուհետ ևս ջանքեր գործադրել ԼՂ-ի խնդրի կարգավորման գործընթացում փոխընդունելի լուծումներ գտնելու հարցում։ Կայացել է երկար և, մեր երկրի գանահատմամբ, շատ կառուցողական հանդիպում, որի ընթացքում շարունակվել է բաց մնացած մի շարք հարցերի քննարկումը։ Նախագահներ Ալիևն ու Սարգսյանն իրենց երախտագիտությունն են հայտնել Դմիտրի Մեդվեդևին՝ Հայաստանի և Ադրբեջանի դիրքորոշումների մերձեցմանն ու ԼՂ-ի խնդրի կարգավոմանն ուղղված ջանքերի համար»։

Ըստ РИА «Новости»-ի