15.11.2024 ● 13:11
15.11.2024 ● 13:08
15.11.2024 ● 12:31
15.11.2024 ● 11:58
15.11.2024 ● 11:01
15.11.2024 ● 10:04
15.11.2024 ● 09:26
15.11.2024 ● 08:59
15.11.2024 ● 07:02
15.11.2024 ● 06:54
Թուրքագետ. «Էրդողանը փորձում է սիրաշահել քրդերին»
«Թուրքիայի վարչապետ Ռեջեփ Թայիբ Էրդողանի կուսակցությունն ամեն ինչ անում է` բավարարելու քրդերի պահանջների մեծ մասը»,–այսօրվա ասուլիսին նման տեսակետ է հայտնել թուրքագետ Արտակ Շաքարյանը։ Ըստ բանախոսի՝ շնորհիվ Թուրքիայում իրականացվող բարեփոխումների` այսօր քրդերը հնարավորություն են ստացել դասավանդել քրդերեն և սովորել մայրենի լեզվով, ինչպես և հայերը. նրանք իրավունք են ստանում բացել կիրակնօրյա դպրոցներ։
«Էրդողանը փորձում է սիրաշահել քրդերին։ Հայերի մասով ընդհանրապես ոչինչ չկա։ Թուրքիայում կար մի երդում, որը բոլոր դպրոցականներն անպայման ամեն առավոտ արտասանում էին։ Նրանք ասում էին՝ «Թուրքը աշխատասեր է և ճիշտ, երանի նրան, ով թուրք է»: «Թուրքիայի ժողովրդավարացման» փաթեթի ամենադրական զարգացումն այդ երդումը հանելն էր: Քրդական համայնքը ծափահարում է այս փաթեթին, նրանք ամեն դեպքում հնարավորություն կունենան իրենց զավակներին սովորեցնել քրդերեն, սեփական տեղանունները քրդերեն դնել, ավելի ներկայացված լինել խորհրդարանում»,-նշել է թուրքագետը՝ հավելելով, որ հայերը պետք է փորձեն ավելի շատ համագործակցել քրդերի հետ:
7or.am