Հուլիսի 22-ին Շիրակի մարզից տեղեկություն է ստացվել, որ ինքնափլուզվել է Գյումրիի Ֆուրմանովի 4-րդ նրբանցքի թիվ 28 տան պատը: Դեպքի վայր է մեկնել մարզային փրկարարական վարչության օպերատիվ խումբը: Պարզվել է, որ ինքնափլուզվել է 1850թ. կառուցված, 4-րդ կարգի վթարայնության աստիճան ունեցող բնակելի տան հյուսիս-արևելյան ճակատային պատի արտաքին շերտի անկյունային մասը' 2քմ մակերեսով: Զոհեր և վիրավորներ չկան:

Նույն օրը ժամը 15.07-ին անձը չպարզված քաղաքացուց ահազանգ է ստացվել, որ հրդեհ է բռնկվել Երևանի Դավթաշենի կամրջին հարակից տարածքում: Դեպքի վայր է մեկնել մեկ մարտական հաշվարկ: Հրդեհը մարվել է ժամը 15.58-ին: Այրվել է խոտատարածք՝ 7000քմ մակերեսով:

Գեղարքունիքի մարզից էլ տեղեկություն է ստացվել, որ հուլիսի 22-ին, ժամը 23.50-ին հրդեհ է բռնկվել Սևանա լճի թերակղզու տարածքում: Դեպքի վայր է մեկնել Սևանից մեկ մարտական հաշվարկ: Հրդեհը մեկուսացվել է ժամը 00.10-ին, մարվել՝ ժամը.00.30-ին։ Թիվ 1 լողափի տարածքում այրվել է Ա. Ավետիսյանին պատկանող վագոն-տնակի ներսի երեսապատումը՝ 3 քմ մակերեսով և հեռուստացույցը՝ տակդիրով:

Հայաստանի փրկարար ծառայության

տեղեկատվության և հասարակայնության հետ

կապերի բաժին