Այսօր լրագրողների հետ հանդիպմանն անդրադառնալով «Հսկիչ դրամարկղային մեքենաների կիրառման մասին» կառավարության նոր որոշմանը՝ գրականագետ Հովիկ Չարխչյանն ասել է, որ նոր ՀԴՄ-ների կիրառման դեպքում գրքերը շուրջ 1000 դրամով կթանկանան:

Կառավարության 12–էջանոց որոշումը 369 հազար 600 դրամ արժողությամբ հսկիչ դրամարկղային մեքենաների կիրառման մասին աբսուրդ է համարել «Անտարես» գրահրատարակչության տնօրեն Արմեն Մարտիրոսյանը։

–3000 դրամ էլ պետք է վճարենք, որպեսզի սպասարկեն, մինչդեռ եթե պետությանը պետք է այդ վերահսկողությունը, թող ինքը միջոցներ ձեռնարկի, օգնի, կամ ուզում է, որ գործարարները անեն դա, թող այնպիսի գին սահմանի, որ ի վիճակի լինեն գնելու:

«Հայգիրք» գրախանութների ցանցի տնօրենի խոսքերով էլ՝ այսօր երաշխավորված չենք, որ մի քանի ամիս հետո նմանատիպ այլ որոշում չի լինի. «Այսօր գրախանութ պահելը մարտիրոսություն չէ, նահատակություն է»,–ասել է Աշոտ Գաբրիելյանը։